ജി. എസ്. പ്രദീപിന്റെ വിവരക്കേടുകള്‍

ഗ്രാന്റ് മാസ്റ്റര്‍(?) ജി. എസ്. പ്രദീപ് ജയ്ഹിന്ദ് ടിവിയില്‍ അവതരിപ്പിക്കുന്ന പരിപാടിയാണ്‌ രണാങ്കണം. പ്രദീപ് പറയുന്ന വാചകം ശരിയാണോ തെറ്റാണോ എന്നാണ്‌ മത്സരാര്‍ത്ഥികള്‍ പറയേണ്ടത്. കൈരളിയില്‍ നിന്നും ജയ്‌ഹിന്ദിലേക്ക് വന്നപ്പോള്‍ പ്രദീപിന്റെ മാറിയ രാഷ്ട്രീയത്തിനെ പറ്റി മുമ്പൊരിക്കല്‍ വായിച്ചിരുന്നു.

ഈ പരിപാടി തുടങ്ങിയിട്ട് ഇതു വരെ കാണാന്‍ പറ്റിയില്ല. പക്ഷേ, അതില്‍ പ്രദീപ് പറഞ്ഞതായി കേട്ട ചില കാര്യങ്ങള്‍ സംശയം തോന്നി ഗൂഗ്ലി നോക്കിയപ്പോഴാണ്‌ കെട്ടുകഥയും പൊട്ടതെറ്റുമൊക്കെയാണു പ്രദീപ് തന്റെ അറിവിന്റെ ഭണ്ടാരത്തില്‍ നിന്നും പുറത്തെടുത്തിടുന്നതെന്ന് മനസ്സിലായത്.

കഴിഞ്ഞ ദിവസം കണക്കിനു നോബല്‍ സമ്മാനം നല്‍കാത്തതിനു കാരണമായി പ്രദീപ് പറഞ്ഞത് ആല്‍ഫ്രഡ് നോബലിന്റെ ഭാര്യ ഒരു ഗണിതശാസ്ത്രജ്ഞനുമായി ഒളിച്ചോടിപ്പോയതിന്റെ വിരോധം കൊണ്ടാണെന്നാണ്‌. ജീവിതത്തിലൊരിക്കലും കല്യാണം കഴിച്ചിട്ടില്ലാത്ത നോബല്‍ ഗുസ്ത മിറ്റാഗ് ലെഫ്ലര്‍ എന്നൊരു ഗണിതശാസ്ത്രജ്ഞനോടുള്ള വിരോധത്താല്‍ അങ്ങേര്‍ക്ക് അവാര്‍ഡ് കിട്ടരുതെന്ന് കരുതിയാണ്‌ ഗണിതത്തിനു നോബല്‍ പ്രൈസ് വേണ്ടെന്നു വെച്ചതെന്നൊരു കെട്ടുകഥ പണ്ടു പ്രചാരത്തിലുണ്ടായിരുന്നു. അതു വെറും നുണക്കഥയാണെന്നുള്ളതിന്‌ ധാരാളം തെളിവുകളുണ്ട്. ഗണിതം മാനവരാശിക്ക് മഹത്തായ സംഭാവനകള്‍ നല്‍കുന്ന ഒരു വിഭാഗമായി നോബല്‍ കണക്കാക്കാതിരുന്നതാണ്‌ യഥാര്‍ത്ഥ കാരണമായി വിശ്വസിക്കപ്പെടുന്നത്. പഴയ കെട്ടുകഥ പ്രദീപും കേട്ടുകാണുമായിരിക്കണം. പക്ഷേ, ഇത്തരം പരിപാടികളില്‍ വന്ന് ഇക്കഥകളൊക്കെ വിളമ്പുന്നതിനു മുമ്പ് സത്യം എന്താണെന്ന് ഒന്നു ഉറപ്പ് വരുത്തുന്നത് നന്നായിരിക്കും.

മറ്റൊരിക്കല്‍ പ്രദീപ് പറഞ്ഞത് ദേശീയ ശാസ്ത്രദിനം ആഘോഷിക്കുന്നത് സി.വി.രാമന്റെ ജന്മദിനത്തിനാണെന്നാണ്. സി.വി.രാമന്‍ രാമന്‍ എഫക്റ്റ് അവതരിപ്പിച്ച ഫെബ്രുവരി 28 ആണ്‌ ശാസ്ത്രദിനമായി ആചരിക്കുന്നത്. അദ്ദേഹം ജനിച്ചത് നവംബര്‍ 7നും.

പണ്ട് ഇത്തരം വിവരക്കേടുകള്‍ വിളിച്ചു പറഞ്ഞാല്‍ അതില്‍ ഇത്രമാത്രം സത്യമുണ്ടെന്ന് പരിശോദിക്കല്‍ ബുദ്ധിമുട്ടായിരുന്നു. പക്ഷേ, ഇപ്പോഴത്തെ സ്ഥിതി അതല്ലല്ലോ..

Photo Courtesy

ശ്രീശാന്തിനു ലോക റെക്കോര്‍ഡ്

ഗ്വാളിയോറില്‍ നടന്ന ഇന്ത്യയും സൗത്ത്‌ ആഫ്രിക്കയും തമ്മിലുള്ള രണ്ടാം ഏകദിനം സച്ചിന്റെ ഇരട്ട സെഞ്ച്വറിയോടെ ചരിത്രത്തില്‍ ഇടം നേടിയെങ്കിലും അതേ മത്സരത്തില്‍ ശ്രീശാന്ത് ബൌളിങ്ങില്‍ ഒരു ലോക റെക്കോര്ഡ് നേടിയത് ആരുമറിഞ്ഞില്ലെന്ന് തോന്നുന്നു. അതോ അറിഞ്ഞിട്ട് ആരും അതിനൊരു വിലയും നല്കാഞ്ഞതാണോ..

ആ മത്സരത്തിലെ ബൌളിങ്ങിലൂടെ ശ്രീശാന്ത് കുറഞ്ഞത് ആയിരം ബോളെങ്ങിലും എറിഞ്ഞിട്ടുള്ള ബൌളര്മാരില്‍ ഏറ്റവും ഉയര്ന്ന എക്ക്ണോമി റേറ്റ് ഉള്ള ബൌളറായി മാറി. മൂന്നാം ഏകദിനത്തില്‍ ശ്രീശാന്തിന്റെ റെക്കോര്ഡ് തകര്ക്കപ്പെടുമോയെന്നൊരു സംശയം ഉണ്ടായിരുന്നെങ്കിലും മലയാളത്തിന്റെ ശ്രീ മറ്റൊരുഗ്രന്‍ പ്രകടനത്തിലൂടെ എക്കണോമി റേറ്റ് ആറിനു മുകളിലുള്ള ഒരേയൊരു ബൌളറായി മാറുകയായിരുന്നു.

ശ്രീയുടെ പ്രകടനം തുടര്ന്നുള്ള മത്സരങ്ങളില്‍ അവസരം നേടികൊടുക്കുമോയെന്ന സംശയമുണ്ടെങ്കിലും ഇനിയും അവസരങ്ങള്‍ ലഭിക്കുകയാണെങ്കില്‍ എക്കണോമി റേറ്റ് വീണ്ടും വീണ്ടും ഉയര്ത്തി മറ്റാര്‍ക്കും എത്തിപ്പിടിക്കാനാവാത്ത ഉയരത്തില്‍ ശ്രീക്ക് എത്താന്‍ സാധിക്കുമെന്ന് നമുക്ക് പ്രതീക്ഷിക്കാം

കൈകളെന്തിനു വേറേ..

യുട്യൂബില്‍ പലതരം വീഡിയോകള്‍ കണ്ടിട്ടുണ്ടെങ്കിലും ഇതു പോലൊന്ന് ആദ്യമായാണ്‌ കണ്ടത്.. കൈ രണ്ടും വെട്ടിക്കളഞ്ഞ് കാലു മാത്രമായാലോയെന്ന് തോന്നിപ്പോയി.

വിവാഹ മംഗളാശംസകള്‍

ബ്ലോഗര്‍മാരായ (ആയിരുന്ന?) പൊന്നപ്പന്‍ - the Alien ഉം കൂടോത്രം കത്രീനയും ആരേയും (അറ്റ്ലീസ്റ്റ് എന്നെയെങ്കിലും) അറിയിക്കാതെ വിവാഹം കഴിച്ചതില്‍ പ്രതിഷേധിച്ച് രണ്ടു പേര്‍ക്കും സര്‍വ്വ മംഗളങ്ങളുമുണ്ടാകട്ടേയെന്ന് ശപിച്ചു കൊള്ളുന്നു

വ്യത്യസ്തനായ പാലോളി

അഴിമതിയും സ്വജന പക്ഷപാതവും ഇല്ലാത്ത ഒരു നല്ല നേതാവിന്റെ പേരു ചോദിച്ചാല്‍ ഒരു പക്ഷേ, കോണ്‍ഗ്രസ്കാര്‍ പോലും ആന്റണിക്കു മുന്നേ പറയുക തദ്ദേശ കാര്യ വകുപ്പ് മന്ത്രി പോലോളി മുഹമ്മദ് കുട്ടിയെന്നായിന്നായിരിക്കും. അദ്ദേഹത്തിന്റെ ആദര്‍ശ ശുദ്ധിക്കും എളിമയ്ക്കും മറ്റൊരുദാഹരണം കൂടി ഈ അടുത്ത് ഉണ്ടായി.

മൂന്നു ചെറുമക്കളുടെ വിവാഹം വളരെ ലളിതമായി സ്വന്തം വീട്ടില്‍ നടത്തി. മന്ത്രിമാരേയോ മറ്റു പ്രമുഖ വ്യക്തികളേയോ ആരേയും ക്ഷണിക്കാതെ തികച്ചും സ്വകാര്യമായി. മനോരമയിലെ വായനക്കാരുടെ കത്തുകളിലൂടെയാണ് ഞാനീ വാര്‍ത്തയറിഞ്ഞത്. ഒരു പത്രത്തിലും ഇതു വാര്‍ത്തയായി കണ്ടില്ല.

വാര്‍ത്തയാക്കിയാലല്ലേ വാര്‍ത്ത വരൂ..

ബ്ലോഗെഴുതിയ നായര്‍ അറസ്റ്റില്‍

സിംഗപ്പൂര്‍ വര്‍ക്കേഴ്സ് പാര്‍ട്ടിയുടെ സജീവ പ്രവര്‍ത്തകനും അമേരിക്കന്‍ പൌരനും സര്‍വ്വോപരി ഒരു ബ്ലോഗറുമായ ഗോപാലന്‍ നായരെ മെയ് 31-നു സിംഗപ്പൂരില്‍ വെച്ച് അറസ്റ്റ് ചെയ്തു; പിന്നീട് ഉപാധികളോടെ ജാമ്യത്തില്‍ വിട്ടു. നായര്‍ തന്റെ ബ്ലോഗില്‍ ഒരു വനിതാ ജഡ്ജിയെ പറ്റി മോശമായെഴുതിയതാണ് കേസ്.

സിംഗപ്പൂരിലെ ആദ്യ പ്രധാനമന്ത്രിയായ ലീ കുവാന്‍ യ്യ്യൂവും അദ്ദേഹത്തിന്റെ മകനും ഇപ്പോഴത്തെ പ്രധാനമന്ത്രിയുമായ ലീ ലൂങ്ങും ആയിട്ടുള്ള ഒരു കേസിനെ പറ്റി നായര്‍ ബ്ലോഗില്‍ എഴൂതിയിരുന്നു . ആവേശത്തില്‍ ജഡ്ജിയായ ബെലിന്‍ഡ ആങ്ങ് വ്യഭിചരിക്കുകയാണെന്ന് എഴുതിക്കളഞ്ഞു (“The judge Belinda Ang was throughout prostituting herself during the entire proceedings, by being nothing more than an employee of Mr. Lee Kuan Yew and his son and carrying out their orders. There was murder, the rule of law being the repeated victim.“). സിംഗപ്പൂരല്ലേ സ്ഥലം.. രണ്ട് ദിവസത്തിനുള്ളില്‍ നായരകത്ത്.

ലീ കുവാനുമായുള്ള പ്രശ്നങ്ങളെ തുടര്‍ന്ന് സിംഗപ്പൂര്‍ പൌരത്വം ഉപേക്ഷിച്ച് അമേരിക്കയില്‍ രാഷ്ട്രീയാഭയം തേടിയ ആളാണ് ഗോപാലന്‍ നായര്‍. ജാമ്യത്തിലിറങ്ങിയ നായര്‍ ഏതായാലും വിട്ടു കൊടുക്കാന്‍ തീരുമാനിച്ചിട്ടില്ല. കോടതി വിശേഷങ്ങളുമായി ബ്ലോഗ് തകര്‍ക്കുകയാണ്.

പ്രതിഷേധം - Black Week Against Kerals.com

I do join with injipennu in her protest againt the evils kerals.com

injipennu നോട് ഐക്യദാര്‍ഡ്യം പ്രഖ്യാപിച്ചുകൊണ്ട് ഞാനെന്റെ പ്രതിഷേധം രേഖപ്പെടുത്തുന്നു.

വളിച്ച വാര്‍ത്ത

മെയ് 19 ന് മാതൃഭൂമി ഓണ്‍ലൈനിലെ വിനോദം പേജില്‍ വന്ന ഒരു വാര്‍ത്തയാണിത്

ഐ.പി.എല്ലിന്‌ അവധികൊടുത്ത്‌ പ്രീതി കാനിലേക്ക്‌

പഞ്ചാബ് കിങ്സ് എലവന്റെ ഉടമ കൂടിയായ പ്രീതി സിന്റ ഒരു ആഡംബര വാച്ചിന്റെ ബ്രാന്‍ഡ് അംബാസിഡറായി കാന്‍ ഫിലിം ഫെസ്റ്റിവലില്‍ പങ്കെടുക്കുന്നതിന് ഐപി‌എല്‍ മത്സരങ്ങള്‍ക്ക് അവധി കൊടുത്തു പോകുന്നതാണ് വാര്‍ത്ത.

വാര്‍ത്തയില്‍ കുഴപ്പമൊന്നുമില്ല. പക്ഷേ, വന്ന സമയമാണ് പ്രശ്നം. വാച്ച് കമ്പനിയായ ചോപ്പാഡിന്റെ ബ്രാന്‍ഡ് അംബാസിഡറായ പ്രീതി കഴിഞ്ഞ മൂന്നു വര്‍ഷമായി കാനില്‍ പോകുന്നുണ്ട്. ഇപ്രാവശ്യവും പോ‍യി. ഐപി‌എല്ലിന്റെ തിരക്കില്‍ വാച്ചിന്റെ പ്രചരണത്തിനായി കാനില്‍ മെയ് 14 മുതല്‍ 16 വരെ ഉണ്ടായിരുന്നു. ഇതെല്ലാം കഴിഞ്ഞു തിരികെയെത്തി 17 നു ഡല്‍ഹിയില്‍ വെച്ചു നടന്ന ഡല്‍ഹി ഡെയര്‍ഡെവിള്‍സുമായുള്ള പഞ്ചാബ് കിംഗ്സിന്റെ മത്സരം നടക്കുമ്പോള്‍ ടിവിയില്‍ പ്രീതിയെ കാണിക്കുകയും ചെയ്തു.

ഇതൊക്കെ കഴിഞ്ഞാണ് 19നു മാതൃഭൂമി പ്രീതി കാനിലേക്കു പോകുന്ന വാര്‍ത്ത കൊടുക്കുന്നത്. കേരളത്തിനു പുറത്തുള്ള “വിനോദ” വാര്‍ത്തകള്‍ മറ്റു പത്രങ്ങളുടേയും ടിവിചാനലുകളുടേയുമെല്ലാം ഓണ്‍ലൈനില്‍ നിന്നുള്ള കോപ്പിയാകുമ്പോള്‍ ഇത്തരം വളിച്ച വാര്‍ത്തകള്‍ മാതൃഭൂമിക്ക് പതിവുള്ളതാണ്.

Protest aka പ്രതിഷേധം

This post is my protest against Yahoo's Plagiarism.
Yahoo malayalam portal has copied contents from malayalam blogs like nalapachakam, kariveppila, .. without permission from the authors of the respective blogs.
When accused Yahoo has simply removed the contents without an apology.
More details are given in the folloing links

ഈ പോസ്റ്റ് യാഹൂവിന്റെ മലയാളം ബ്ലോഗുകളില്‍ നിന്നുമുള്ള ചോരണത്തിലുള്ള പ്രതിഷേധമാണ്.
യാഹൂ മലയാളം പോര്‍ട്ടല്‍ മലയാളം ബ്ലോഗുകളായ നളപാചകം, കറിവേപ്പില, .. തുടങ്ങിയ ബ്ലോഗുകളില്‍ നിന്നും അതിന്റെ ഉടമകളുടെ അനുവാദം കൂടാതെ പകര്‍ത്തിയിരിക്കുന്നു. കുറ്റാരോപണം നടത്തിയപ്പോള്‍ യാതൊരുവിധ ഖേദപ്രകടനവും നടത്താതെ പ്രസ്തുത ഭാഗങ്ങള്‍ മാറ്റുകയാണ് ചെയ്തത്.
കൂടുതല്‍ വിവരങ്ങള്‍ താഴെ പറയുന്ന ലിങ്കുകളില്‍
Yahoo Plagiarism Protest Scheduled March 5th
Mathrubhoomi (Malayalam News)
Bloggers protest on March 5th 2007 against Yahoo!
Indian bloggers Mad at Yahoo
Indian Bloggers Enraged at Yahoo! India’s Plagiarism
Indian bloggers Mad at Yahoo
Malayalam Bloggers Don’t Agree with Yahoo India
Yahoo back upsetting people
Wat Blog
Tamil News
Yahoo India accused of plagiarism by Malayalam blogger
Yahoo India Denies Stealing Recipes
Yahoo! India Rejects Web Plagiarism Accusations
Global Voice - News
Content theft by Yahoo India
Lawyers’ Opinion

ഒരു വാലന്റൈന്‍ ദിന സന്ദേശം

ഇതാരാണെന്നു മനസ്സിലായോ
നമ്മുടെ പഴയ സുപര്‍ണ
പണ്ട് വൈശാലിയായ് വന്നു ഋഷ്യശ്രംഘനേയും ഗന്ധര്‍വ്വനേയും മലയാളികളെ മൊത്തവും പാട്ടിലാക്കിയ സുപര്‍ണ തന്നെ
അപ്പോ പറഞ്ഞു വന്നത് ഈ ഭംഗിന്നൊക്കെ പറയുന്നത് ഇത്രയേയൊള്ളൂ.
കൂടുതല്‍ ഉപദേശമൊന്നുമില്ല, കാര്യം മനസ്സിലായല്ലോ

IITF - കേരളത്തിനാരുമില്ലേ...

നാളെ മുതല്‍ ദില്ലിയില്‍ ഇന്റര്‍നാഷണല്‍ ട്രേഡ്‌ ഫെയര്‍ ആരംഭിക്കുകയാണ്‌. കഴിഞ്ഞ 26 വര്‍ഷങ്ങളായി നടത്തുന്ന ട്രേഡ്‌ ഫെയറിനു ഇപ്രാവശ്യം ധാരളം വിദേശരാജ്യങ്ങളും എല്ലാ സംസ്ഥാനങ്ങളും പബ്ലിക്കും പ്രൈവറ്റുമായുള്ള ധാരാളം സ്ഥാപനങ്ങളുമെല്ലാമുണ്ട്‌.
എല്ലാ സംസ്ഥാനത്തിനുമെന്നു പറയുമ്പോള്‍ സ്വാഭാവികമായി കേരളത്തീന്നും ഉണ്ട്‌. പക്ഷേ, IITF-ന്റെ വെബ്‌സൈറ്റില്‍ കേരളത്തിനു ഉത്തരവാദിത്തപെട്ടവരാരുമില്ല. contact person എന്നെഴുതിയതിനു നേരെ കൊടുത്തിരിക്കുന്നത്‌ Mr. എന്നു മാത്രമാണ്‌. പിന്നെ ആകെയുള്ളത്‌ തിരുവനന്തപുരത്തെ ഇന്‍ഫോര്‍മേഷന്‍ ആന്റ്‌ പബ്ലിക്‌ റിലേഷന്‍സ്‌ ഡിപ്പാര്‍ട്ട്‌മെന്റിന്റെ ഓഫീസ്‌ അഡ്രസ്സ്‌; അതിന്റെ ഫോണ്‍ നമ്പറാണെങ്കില്‍ പൊട്ടതെറ്റും.ഒട്ടു മിക്ക സംസ്ഥാനങ്ങളും അവരുടെ സ്റ്റാളുകളില്‍ എന്താണുണ്ടാവുകയെന്നു വിശദമായി പറഞ്ഞിട്ടുണ്ട്‌, പക്ഷേ, കേരളത്തിന്റെ കാര്യത്തില്‍ കുച്ച്‌ നഹി. ഒരു പക്ഷേ, എല്ലാം സസ്പെന്‍സാക്കി വെച്ചിരിക്കുകയായിരിക്കും. ദൈവത്തിന്റെ സ്വന്തം രാജ്യമല്ലേ..
IITF
Exhibitor List (STATES)

കേരളം - 50 വര്‍ഷം മുമ്പത്തെ കാഴ്ച

അമ്പതു വര്‍ഷം മുമ്പ് കേരളപ്പിറവി ദിനത്തിലെ മാതൃഭൂമി പത്രത്തിന്റെ പിഡി‌എഫ് ഫോര്‍മാറ്റ് മാതൃഭൂമി ഓണ്‍ലൈന്‍ എഡിഷനില്‍ കൊടുത്തിട്ടുണ്ട്.

അതിന്റെ ലിങ്ക് ഇതാ..

പുതിയ സംസ്ഥാനത്തിന്റെ ആശകളേയും ആശങ്കകളേയും കുറിച്ച്, സാധ്യതകളേയും ശക്തികളേയും കുറിച്ച്, കേരളത്തിന്റെ ഭാവിയെകുറിച്ച് പ്രമുഖര്‍ എഴുതിയ ലേഖനങ്ങള്‍ ഇവിടെ വായിക്കാം.പുതിയ സംസ്ഥാനത്തിന്റെ തലസ്ഥാനം എവിടെയായിരിക്കണം എന്നു മുതലുള്ള ചര്‍ച്ചകള്‍ ഇന്ന് വായിക്കുമ്പോള്‍ അത് ഒരേ സമയം രസകരവും നമ്മളെത്രമാത്രം പുരോഗമിച്ചുവെന്നും ശ്രദ്ധിക്കാവുന്നതാണ്.