വിവാഹ മംഗളാശംസകള്‍
ബ്ലോഗര്‍മാരായ (ആയിരുന്ന?) പൊന്നപ്പന്‍ - the Alien ഉം കൂടോത്രം കത്രീനയും ആരേയും (അറ്റ്ലീസ്റ്റ് എന്നെയെങ്കിലും) അറിയിക്കാതെ വിവാഹം കഴിച്ചതില്‍ പ്രതിഷേധിച്ച് രണ്ടു പേര്‍ക്കും സര്‍വ്വ മംഗളങ്ങളുമുണ്ടാകട്ടേയെന്ന് ശപിച്ചു കൊള്ളുന്നു
Monday, September 08, 2008
Thursday, June 19, 2008
വ്യത്യസ്തനായ പാലോളി
അഴിമതിയും സ്വജന പക്ഷപാതവും ഇല്ലാത്ത ഒരു നല്ല നേതാവിന്റെ പേരു ചോദിച്ചാല്‍ ഒരു പക്ഷേ, കോണ്‍ഗ്രസ്കാര്‍ പോലും ആന്റണിക്കു മുന്നേ പറയുക തദ്ദേശ കാര്യ വകുപ്പ് മന്ത്രി പോലോളി മുഹമ്മദ് കുട്ടിയെന്നായിന്നായിരിക്കും. അദ്ദേഹത്തിന്റെ ആദര്‍ശ ശുദ്ധിക്കും എളിമയ്ക്കും മറ്റൊരുദാഹരണം കൂടി ഈ അടുത്ത് ഉണ്ടായി.
മൂന്നു ചെറുമക്കളുടെ വിവാഹം വളരെ ലളിതമായി സ്വന്തം വീട്ടില്‍ നടത്തി. മന്ത്രിമാരേയോ മറ്റു പ്രമുഖ വ്യക്തികളേയോ ആരേയും ക്ഷണിക്കാതെ തികച്ചും സ്വകാര്യമായി. മനോരമയിലെ വായനക്കാരുടെ കത്തുകളിലൂടെയാണ് ഞാനീ വാര്‍ത്തയറിഞ്ഞത്. ഒരു പത്രത്തിലും ഇതു വാര്‍ത്തയായി കണ്ടില്ല.
വാര്‍ത്തയാക്കിയാലല്ലേ വാര്‍ത്ത വരൂ..
ബ്ലോഗെഴുതിയ നായര്‍ അറസ്റ്റില്‍
സിംഗപ്പൂര്‍ വര്‍ക്കേഴ്സ് പാര്‍ട്ടിയുടെ സജീവ പ്രവര്‍ത്തകനും അമേരിക്കന്‍ പൌരനും സര്‍വ്വോപരി ഒരു ബ്ലോഗറുമായ ഗോപാലന്‍ നായരെ മെയ് 31-നു സിംഗപ്പൂരില്‍ വെച്ച് അറസ്റ്റ് ചെയ്തു; പിന്നീട് ഉപാധികളോടെ ജാമ്യത്തില്‍ വിട്ടു. നായര്‍ തന്റെ ബ്ലോഗില്‍ ഒരു വനിതാ ജഡ്ജിയെ പറ്റി മോശമായെഴുതിയതാണ് കേസ്.
സിംഗപ്പൂരിലെ ആദ്യ പ്രധാനമന്ത്രിയായ ലീ കുവാന്‍ യ്യ്യൂവും അദ്ദേഹത്തിന്റെ മകനും ഇപ്പോഴത്തെ പ്രധാനമന്ത്രിയുമായ ലീ ലൂങ്ങും ആയിട്ടുള്ള ഒരു കേസിനെ പറ്റി നായര്‍ ബ്ലോഗില്‍ എഴൂതിയിരുന്നു . ആവേശത്തില്‍ ജഡ്ജിയായ ബെലിന്‍ഡ ആങ്ങ് വ്യഭിചരിക്കുകയാണെന്ന് എഴുതിക്കളഞ്ഞു (“The judge Belinda Ang was throughout prostituting herself during the entire proceedings, by being nothing more than an employee of Mr. Lee Kuan Yew and his son and carrying out their orders. There was murder, the rule of law being the repeated victim.“). സിംഗപ്പൂരല്ലേ സ്ഥലം.. രണ്ട് ദിവസത്തിനുള്ളില്‍ നായരകത്ത്.
ലീ കുവാനുമായുള്ള പ്രശ്നങ്ങളെ തുടര്‍ന്ന് സിംഗപ്പൂര്‍ പൌരത്വം ഉപേക്ഷിച്ച് അമേരിക്കയില്‍ രാഷ്ട്രീയാഭയം തേടിയ ആളാണ് ഗോപാലന്‍ നായര്‍. ജാമ്യത്തിലിറങ്ങിയ നായര്‍ ഏതായാലും വിട്ടു കൊടുക്കാന്‍ തീരുമാനിച്ചിട്ടില്ല. കോടതി വിശേഷങ്ങളുമായി ബ്ലോഗ് തകര്‍ക്കുകയാണ്.
Sunday, June 08, 2008
പ്രതിഷേധം - Black Week Against Kerals.com
I do join with injipennu in her protest againt the evils kerals.com
injipennu നോട് ഐക്യദാര്‍ഡ്യം പ്രഖ്യാപിച്ചുകൊണ്ട് ഞാനെന്റെ പ്രതിഷേധം രേഖപ്പെടുത്തുന്നു.
Monday, May 19, 2008
വളിച്ച വാര്‍ത്ത
മെയ് 19 ന് മാതൃഭൂമി ഓണ്‍ലൈനിലെ വിനോദം പേജില്‍ വന്ന ഒരു വാര്‍ത്തയാണിത്
പഞ്ചാബ് കിങ്സ് എലവന്റെ ഉടമ കൂടിയായ പ്രീതി സിന്റ ഒരു ആഡംബര വാച്ചിന്റെ ബ്രാന്‍ഡ് അംബാസിഡറായി കാന്‍ ഫിലിം ഫെസ്റ്റിവലില്‍ പങ്കെടുക്കുന്നതിന് ഐപി‌എല്‍ മത്സരങ്ങള്‍ക്ക് അവധി കൊടുത്തു പോകുന്നതാണ് വാര്‍ത്ത.
വാര്‍ത്തയില്‍ കുഴപ്പമൊന്നുമില്ല. പക്ഷേ, വന്ന സമയമാണ് പ്രശ്നം. വാച്ച് കമ്പനിയായ ചോപ്പാഡിന്റെ ബ്രാന്‍ഡ് അംബാസിഡറായ പ്രീതി കഴിഞ്ഞ മൂന്നു വര്‍ഷമായി കാനില്‍ പോകുന്നുണ്ട്. ഇപ്രാവശ്യവും പോ‍യി. ഐപി‌എല്ലിന്റെ തിരക്കില്‍ വാച്ചിന്റെ പ്രചരണത്തിനായി കാനില്‍ മെയ് 14 മുതല്‍ 16 വരെ ഉണ്ടായിരുന്നു. ഇതെല്ലാം കഴിഞ്ഞു തിരികെയെത്തി 17 നു ഡല്‍ഹിയില്‍ വെച്ചു നടന്ന ഡല്‍ഹി ഡെയര്‍ഡെവിള്‍സുമായുള്ള പഞ്ചാബ് കിംഗ്സിന്റെ മത്സരം നടക്കുമ്പോള്‍ ടിവിയില്‍ പ്രീതിയെ കാണിക്കുകയും ചെയ്തു.
ഇതൊക്കെ കഴിഞ്ഞാണ് 19നു മാതൃഭൂമി പ്രീതി കാനിലേക്കു പോകുന്ന വാര്‍ത്ത കൊടുക്കുന്നത്. കേരളത്തിനു പുറത്തുള്ള “വിനോദ” വാര്‍ത്തകള്‍ മറ്റു പത്രങ്ങളുടേയും ടിവിചാനലുകളുടേയുമെല്ലാം ഓണ്‍ലൈനില്‍ നിന്നുള്ള കോപ്പിയാകുമ്പോള്‍ ഇത്തരം വളിച്ച വാര്‍ത്തകള്‍ മാതൃഭൂമിക്ക് പതിവുള്ളതാണ്.
Subscribe to:
Posts (Atom)
